Amerikada «qotil» qaynota aybsiz deb topildi
Floridada yashovchi kishi unga syurpriz qilish uchun Norvegiyadan uchib kelgan kuyovini bexosdan otib qo‘ydi, deb yozadi «People» nashri.
Hodisa Galf Briz shahrida yuz bergan. Kristofer Bergan qaynatasi Richard Dennisni tug‘ilgan kuni bilan tabriklash uchun Floridaga uchib keladi va darrov uning uyi tomon yo‘l oladi.
Biroq, mahalliy sherifning xabar berishicha, Bergandan oldin Dennisning uyiga boshqa odam kelib, u bilan janjallashgan. So‘ng uy egasi uni haydab solgan.
Bergan qaynotasini hayron qoldirish uchun gullar orasidan otilib chiqqanda Dennis uni haligi janjallashgan odam deb o‘ylab otib qo‘yadi. Tibbiyot xodimlari voqea joyiga shoshilinch yetib kelishiga qaramay, kuyovbolaning hayotini saqlab qolisholmaydi – u yuragiga tekkan o‘q tufayli halok bo‘ladi.
Florida politsiyasining aytishicha, baxtsiz hodisa yuz bergan, «qotil»ga hech qanday ayblov qo‘yilmaydi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter