«Lacetti» YPX xodimini bir necha kilometrga sudrab ketdi
Ijtimoiy tarmoqda «Yana bir YPX xodimi kapot ustida sudrab ketildi» sarlavhasi ostida video tarqaldi. Ushbu video yuzasidan YHXB rasmiy ma’lumot taqdim etdi.
Joriy yilning 13 sentyabr kuni Surxondaryo viloyati, Qumqo‘rg‘on tumani, «Surxon sohili» MFY hududida YPX xodimi yo‘lning qatnov qismiga to‘xtagan «Lacetti» rusumli avtomobil haydovchisining yoniga borib, o‘zini tanishtirib, to‘xtash qoidasini buzganligini aytib tegishli hujjatlarini taqdim qilishini so‘ragan. Haydovchi xodimning qonuniy talabini bajarmasdan, avtomobilini inspektorning ustiga boshqargan. Xodim qochishga ulgurmasdan avtomobilning kapot qismida osilib qolgan. Avtomobil taxminan 3,4 kilometr masofagacha harakatlangandan so‘ng xodim yerga qulab tushgan.
YPX xodimi tan jarohati bilan tuman tibbiyot birlashmasiga murojaat qilgan.
Mazkur holat yuzasidan tuman prokuraturasi tomonidan tegishli tartibda jinoyat ishi qo‘zg‘atilib, hozirda dastlabki tergov harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter