«France Football» журнали ўзининг сайтида барча замонларнинг энг яхши рамзий терма жамоасига киришга даъвогарлик қилаётган футболчилар рўйхатини чоп этишни бошлади.

Душанба куни нашр ходимлари дунёнинг етакчи оммавий ахборот воситаларидаги 177 нафар ҳамкасби орасида сўровнома ўтказиб, футбол тарихидаги энг яхши марказ, чап ва ўнг қанот ҳужумчисига даъвогарларни тақдим этди.

Сўровнома ғолиби декабрда эълон қилинадиган рамзий терма жамоа таркибига киритилади.

10 та энг яхши марказий ҳужумчи:

Голландиялик Деннис Бергкамп, германиялик Герд Мюллер, голландиялик Йохан Кройф, бразилиялик Ромарио, шотландиялик Кенни Далглиш, бразилиялик Роналдо, португалиялик Эусебио, голландиялик Марко ван Бастен, венгриялик Шандор Кочиш ва либериялик Жорж Веа.

10 та энг яхши ўнг қанот ҳужумчиси:

Англиялик Дэвид Бекхэм, бразилиялик Жаирзиньо, шимолий ирландиялик Жорж Бест, англиялик Кевин Киган, камерунлик Самюэль Это'О, англиялик Стэнли Мэтьюз, португалиялик Луиш Фигу, аргентиналик Лионель Месси, бразилиялик Гарринча ва голландиялик Арьен Роббен.

10 та энг яхши чап қанот ҳужумчиси:

Собиқ Иттифоқдан Олег Блохин, бразилиялик Ривалдо, португалиялик Криштиану Роналду, бразилиялик Роберто Ривелино, югославиялик Драган Жаич, бразилиялик Роналдиньо, уэльслик Райан Гиггз, германиялик Карл-Хайнц Румменигге, франциялик Тьерри Анри ва болгариялик Христо Стоичков.