Енгилмас боксчимиз собиқ жаҳон чемпионини қийин аҳволга солиб қўйди
АҚШнинг Филадельфия шаҳридаги «Liacouras Centre» саройида катта бокс кечаси ташкил этилди.
Кеча дастурида ҳамюртимиз, профессионал бокснинг ярим ўрта (-66,68 кг) вазн тоифаси вакили Қудратилло Абдуқаҳҳоров (17-0, 9 КО) ҳам рингга кўтарилиб, ўзининг навбатдаги ғалабасини қўлга киритди. Унга собиқ жаҳон чемпиони америкалик Луис Коллазо (39-8, 20 КО) рақиб бўлди.
Абдуқаҳҳоровнинг устунлигида ўтган 10 раундлик жангнинг сўнгги сонияларида Коллазонинг ҳар икки қоши ёрилди ва шифокорлар ҳакамга жангни тўхтатишни буюрди. Ғолиб очколарга кўра аниқланди. Унда ҳакамлар ҳамюртимизнинг 99-91, 97-93, 98-92 ҳисобидаги ғалабасини қайд этишди.
Қудратулло бугунги жангга қадар 16 та жанг ўтказиб, уларнинг барчасида ғалаба қозонган эди, энди унинг ҳисобида 17 та ғалаба мавжуд. Ҳамюртимиз IBF чемпионлик камари учун мажбурий даъвогар саналади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter