Буюк Британия Европа иттифоқидан ҳеч қандай шартномаларсиз чиқиб кетиши кундек равшанлашиб боряпти. Якуний «Brexit»гача 95 кун қолди, силжиш эса йўқ, Лондон ва Брюссель муроса кўчасини топа олмаяпти.

Шунинг учун ҳам Қўшма қироллик молия вазири Сажид Жавид ўз идорасидан ушбу халқаро ташкилотдан «қаттиқ» чиқишга ҳозирликни бошлашни талаб қилди.

In 95 days we’ll be out of the EU. If we can’t leave with a good deal, we’ll have to leave without one. That’s why I have tasked @hmtreasury to immediately step up no deal preparations. https://t.co/noGJtBFTsT

— Sajid Javid (@sajidjavid) 28 июля 2019 г.

«Мен молия вазирлиги олдига битимсиз «Brexit»га ҳозирликни тезлатиш талабини қўйдим», — деб ёзди вазир «Twitter»даги саҳифасида.

Эслатиб ўтамиз, Буюк Британиянинг янги бош вазири Борис Жонсон мамлакатни «қаттиқ Brexit»га тайёрлашга бор куч ташланишини айтганди. Бир сўз билан айтганда, «эшиклар қаттиқ ёпилиши»га Лондон ҳозирча шаймас, шунинг учун «темирни қизиғида босиш»га улгуриш керак.