АҚШ Туркиядан Россияга маҳсулот экспорт қилишни тўхтатишни талаб қилди
Қўшма Штатлар Туркиядан Украинадаги можарони давом эттиришга ёрдам бериши мумкин бўлган товарларни Россияга экспорт қилишни тўхтатишни талаб қилди. Бу ҳақда Bloomberg Вашингтондаги манбаларга таяниб ёзмоқда.
Қайд этилишича, АҚШ молия вазири ўринбосари Брайан Нельсон ва бошқа юқори мартабали америкалик делегатлар Яқин Шарқ сафари доирасида Туркияга ташриф буюриб, маҳаллий ҳукумат вакиллари билан Москвага нисбатан экспорт сиёсатини муҳокама қилишган.
«АҚШ расмийлари туркиялик ҳамкасбларини ўн миллион долларлик экспорт назоратидаги товарлар Россияга кириб келаётгани ва Россия мудофаа саноати томонидан можарони чўзиш учун ишлатилиши мумкинлиги ҳақида огоҳлантирди», – дейилади агентлик хабарида.
Bloomberg’нинг таъкидлашича, Вашингтоннинг 2022 йил кузидаги худди шундай ҳаракатларидан сўнг турк банклари Россиянинг «Мир» тўлов тизимига хизмат кўрсатишдан бош тортган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter