Rossiya — «yovvoyi» hududlar maydoni eng katta mamlakat
«REGNUM» axborot agentligi xabar berishicha, avstraliyalik olimlar Rossiyani inson daxl qilmagan hududlar va akvatoriyalar maydoni bo‘yicha yetakchi deyishdi. Bu haqda «Nature» jurnalida maqola chiqarilgan.
Demak, avstraliyalik olimlarning hisob-kitoblariga ko‘ra, Rossiyadagi «yovvoyi» yerlar maydoni 15 mln. kvadrat kilometrga teng. Agar Rossiyaning umumiy yer maydoni (17,125 mln. kv. km.) dan bu ayirib tashlansa, foydalanishdagi yer maydoni Saudiya Arabistoni jami hududi (2,149 mln. kv. km.) dan ham kichik.
«Yovvoyi» yerlari ko‘pligi bo‘yicha ro‘yxatda keyingi o‘rinlarni Kanada, Avstraliya, AQSh va Braziliya band etgan.
Ta’kidlanishicha, Antarktika va xalqaro suvlarni istisno qilganda, sayyoramizdagi «yovvoyi» ekotizimlarning 70 foizi mana shu beshovlon izmida.
Olimlarning aytishlaricha, «yovvoyi» ekotizimlar iqlim o‘zgarishlariga bardoshliroq va tezroq tiklanadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter