Kilimanjaroga qaytish. 89 yoshli ayol Afrikaning eng baland nuqtasini zabt etdi
Amerikalik Enn Lorimor 89 yoshida Afrikadagi eng baland vulqonli tog‘ — Kilimanjaroni zabt etib, rekord o‘rnatdi.
«Shunday vaziyat ham bo‘ldiki, chiqmasimdan oldin qulab tushaman, degan xayolga bordim. Biqinimda qattiq og‘riq turib, nafas olishga qiynaldim», — onaxonning so‘zlaridan «AVS» telekanali iqtibos keltirdi.
Ammo yakunda hammasi yaxshilik bilan tugadi. Enn Lorimor to‘qqiz kun deganda bu vazifani uddaladi va Kilimanjaroni zabt etgan dunyodagi eng keksa insonga aylandi.
Darvoqe, bu uning birinchi rekordi emas. Bir necha yillar avval ham u Kilimanjaroning tepasigacha ko‘tarilib, Tanzaniyadagi cho‘qqini zabt etgan eng keksa ayol deya e’tirofga sazovor bo‘lgandi. Biroq bir necha oydan so‘ng boshqa bir yoshi kattaroq ayol rekordni yangilagandi.
Mana, yana hammasi joyiga tushdi — 89 yoshli ayol o‘z nomini tarixga o‘z qo‘li bilan yozdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter