Qirg‘izistonda amaldorlarga prezident tug‘ilgan kunida sovg‘a berish taqiqlandi
Qirg‘iziston prezidenti Sadir Japarov mulozimlariga tavallud kunida sovg‘a berishni taqiqladi. Bu haqda mamlakat hukumati raisi o‘rinbosari Edil Baysalov ma’lum qildi.
«Prezidentimiz barchamizni sovg‘a-salom va maqtovlardan qaytardi. Mutlaqo kamtar odam. Uch yildan buyon Japarov xalqimiz uni prezident etib saylashda adashmaganini isbotlab keladi. Uning mamlakatimizdagi vaziyatni har tomonlama butunlay o‘zgartira olgani — o‘zgarishlarning tarixiy ko‘lamidir. Prezidentga shunday ruhda davom etishni tilayman» – degan hukumat mulozimi.
Baysalovning ta’kidlashicha, mamlakatda olib borilayotgan islohotlar dastlab og‘riqli bo‘lgan. Shu sabab ko‘pchilik qirg‘izistonliklar o‘z munosabatini o‘zgartirishi, boshqacha ishlashga, iqtisodiyotni tiklashga to‘g‘ri kelmoqda.
Ma’lumot uchun, 6 dekabr kuni Qirg‘iziston prezidenti Sadir Japarov 55 yoshga to‘lgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter