Olimlar xonani shamollatish befoyda demoqda
Toronto universiteti (Kanada) tadqiqotchilari xonani shamollatish havoni tozalashning samarali usuli emas, degan xulosaga kelishdi.
Bu borada ular talay tajribalar o‘tkazishdi. Bir nechta ko‘ngilli xonadonlarda maishiy ishlar bilan shug‘ullanishdi. Keyin uylarda eng ko‘p tarqalgan 19 ta kimyoviy moddani tekshirishdi. Xonadagi derazalarni ochgach zararli moddalarni yana bir bor o‘rganishdi.
Qizig‘i, xavfli moddalar konsentratsiyasi birinchi tekshiruvdan so‘ng qayd etilgan ko‘rsatkichga juda tez qaytgan. Buning uchun 55 daqiqa kifoya qilgan.
Ekspertlar fikricha, xonani shamollatganda mikrozarrali changlar derazadan tashqariga uchib ketmay, shunchaki devor va mebellarga o‘rnashib qoladi, keyin esa yana havoga ko‘tariladi. Tadqiqot haqidagi hisobot «Science Advances»da chop etildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter