«Tottenhem» bu galgi Chempionlar ligasida Angliya sharafini himoya qilayotgan Londonning yagona jamoasi. «Arsenal» va «Chelsi» muxlislari bu yilcha Yevropa ligasini tomosha qilishga majbur.  

Buyam kamdek tuyuldimi yo qo‘shnilarining alamini keltirmoqchi bo‘lishdimi, ishqilib, «shporlar» o‘zlarining yangi qurilgan stadionlari ochilishiga bag‘ishlangan plakat tayyorlatishdi: «Chempionlar ligasini Londonda tomosha qilish mumkin yagona joy».

Advertising your stadium as the only place to watch @ChampionsLeague in London and then going out of the competition before you play a single game in your OWN stadium. You couldn’t make it more spursy if you tried. #bottledit #bottlejob #Spurs pic.twitter.com/HcWOvTTo3K

— Theo Richards (@theorichards) 25 oktyabrya 2018 g.

Plakatga o‘tgan mavsum oxirida — «Arsenal» va «Chelsi» Chempionlar ligasiga ilinmaganidan so‘ng buyurtma berilgan. O‘shanda yangi stadion yangi mavsum boshlanishiga ochilishi ham rejada bo‘lgan, biroq vaziyatga qarab o‘yingohning ochilishi yanvar oyiga kechikib ketdi.

🏟️ 👌 Our future home is really taking shape.

📽️ Take a look back at another busy month at #SpursNewStadium pic.twitter.com/5nVcWesJPY

— Tottenham Hotspur (@SpursOfficial) 7 iyulya 2018 g.

Hozircha «Tottenhem» futbolchilari «Uembli»da to‘p tepib turishibdi. Darvoqe, Chempionlar ligasi. «Barselona», «Inter» va «PSV» bilan bir guruhda «Tottenhem» uchinchi o‘rinda ketyapti, pley-offga chiqmasligi ham mumkin.

Demakki, 61,5 ming kishilik yangi stadion Chempionlar ligasini ko‘rmasligi ham katta ehtimol bilan haqiqatga yaqin bo‘lib turibdi.

Endi plakatga qaytamiz. Klubga reklama standartlari bo‘yicha boshqarmadan ogohlantirish kelibdi: «Lo‘ttibozlikni yig‘ishtiring!»

Yaxshiyam jarimaga tortishmapti, biroq klubning kulgu bo‘lgani qoldi:

Spurs advertising their new stadium as “the only place to watch Champions League in London” and then going out before they actually open their stadium is the most spurs thing of all the time. #PSVTOT

— Gerard Keown (@Gerardyk05) 24 oktyabrya 2018 g.

«Yangi stadionni «Londondagi Chempionlar ligasini ko‘rish mumkin yagona joy» deya reklama qilib, uning ochilishiga qadar ligadan uchib ketmaslikka urinish — barcha davrlarning eng zo‘r motivatsiyasi».

Spurs (2) have completed the most champions League campaigns without a stadium. Ever.

— Paul (@astro_PaulV) 24 oktyabrya 2018 g.

«Chempionlar ligasi o‘yinlarini o‘z stadionisiz eng ko‘p o‘tkazishda «shporlar»ga yetadigani yo‘q».

Sharmandalikdan qutulib qolish uchun «Tottenhem»da, jichcha bo‘lsa-da, imkoniyat bor. Buning uchun to‘g‘ridan-to‘g‘ri raqiblari — «Inter»ni o‘z uyida, «Barselona»ni safarda (!) yengishi kerak.

Ko‘ramiz, yangi stadionga bu yil Chempionlar ligasini ko‘rish nasib etarmikin.