Zelenskiyning jamoasi Latviyani Litva bilan adashtirib qo‘ydi
Ukraina prezidenti Latviyada bo‘lgan vaqtda uning idorasidagi xodimlar ijtimoiy tarmoqlarda Zelenskiy «Litva respublikasi»ga safar qilganini ma’lum qildi, deb yozadi «Rambler».
Ukraina prezidentining «Facebook»dagi rasmiy sahifasi obunachilari kutilmaganda Vladimir Zelenskiy haqida ko‘pgina yangiliklardan xabardor bo‘lishdi. Buni qarangki, u bir paytning o‘zida ikkita mamlakatda bo‘la olar ekan.
Ukraina prezidenti 16-oktyabr kuni Latviyaga rasmiy tashrif buyurdi. Biroq idorasidagi vakillar ijtimoiy tarmoqlarga o‘tkazilgan tadbir suratlarini joylab, tagiga Zelenskiy «Litva respublikasi»da ekanini yozib qo‘yishdi.
Xatoni «Facebook» foydalanuvchilari payqab qolishgan. Izohlarda faol muhokama boshlangach, matn to‘g‘rilangan. Yanglish post Ukraina prezidenti sahifasida qariyb yarim soat saqlangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter