Toshkent shahar IIBB mehribonlik uyidagi voqea yuzasidan bayonot berdi
Internet tarmog‘ida «Yelena Polyanskaya» nomi ostidagi foydalanuvchi Yunusobod tumanidagi 23-mehribonlik uyi tarbiyalanuvchisi, 15 yoshli R.S.ga jismoniy qiynoq bo‘lgani xususidagi ma’lumotni chop etgan.
Toshkent shahar IIBB mazkur xabarga munosabatini bildirdi. Unga ko‘ra, mazkur masala yuzasidan joriy yilning 30-mart kuni Toshkent shahar prokuraturasi O‘zbekiston Jinoyat kodeksining 110-moddasi («Qiynoq») 2-bandi bo‘yicha jinoiy ish qo‘zg‘atgan. 7-aprelda mazkur ish Yunusobod tumani IIBga yuborilgan. Tergov hozirda ham davom etmoqda.
Sud-tibbiy ekspertizasi ma’lumotlariga ko‘ra, bola yengil tan jarohati olgan. Mazkur ishda tarbiyachilardan biri gumonlanmoqda.
Jabrlanuvchi Toshkent shahar IIBBning voyaga yetmaganlarga ijtimoiy-huquqiy yordam ko‘rsatish markazi psixolog va tarbiyachilar nazoratida ekanligi ma’lum qilingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter