O‘zbekiston va Belorus harbiylari maxsus-taktik o‘quv mashg‘ulotlari o‘tkazadi
Bugun, 17-may kuni Belorus Respublikasi harbiylari «Jangovar hamdo‘stlik—2019» hamkorlikdagi mashg‘ulotlarida ishtirok etish uchun Belorus armiyasining Harbiy-havo kuchlariga qarashli Il-76md harbiy-transport samolyotida Farg‘ona aeroportiga yetib keldi. Bu haqda Mudofaa vazirligi matbuot xizmati xabar berdi.
22 nafar belarus harbiy xizmatchisi polkovnik Oleg Kostromin boshchiligida 20—27-may kunlari Namangan viloyatidagi «G‘urumsaroy» poligonida o‘zbeksitonlik mutaxassislar bilan o‘tkaziladigan hamkorlikdagi maxsus-taktik o‘quv mashg‘ulotlarida qatnashadi.
Ushbu o‘quv mashg‘ulotlari O‘zbekiston va Belorus respublikalari o‘rtasida xavfsizlik sohasidagi hamkorlikni yanada rivojlantirish bo‘yicha amaliy harakatlar rejasiga asosan tashkil etilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter