Jizzaxda ikki abituriyent imtihondan chetlatildi
Jizzax davlat pedagogika institutida tasviriy sanat va muhandislik grafikasi yo‘nalishi bo‘yicha chizmachilik ijodiy imtihonida qoidani buzgan abituriyentlar chetlatilgan. Bu haqda institut matbuot xizmati xabar qildi.
Xabarga ko‘ra, abituriyent M. Asatova va S. Jo‘rayevalar o‘zaro bir birlariga yordam berishi maqsadida rasmlarini almashayotganda qo‘lga tushganlar.
To‘g‘ridan to‘g‘ri onlayn video kuzatuv tasvirlari hamda imtihon komissiyasi a’zolari ishtirokida bu ikki nafar qoida buzar abituriyentlardan tushuntirish xati olinib, ijodiy imtihondan chetlashtirish to‘g‘risida bayonnoma tuzildi.
«Bu ikki nafar abituriyent to‘liq o‘z ayblariga iqror bo‘lib, bo‘lib o‘tayotgan ijodiy imtihonlarning shaffof va adolatli o‘tishiga halaqit berganligini tan olib, auditoriyani tark etdi» deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter