Hindiston 41 yillik tanaffusdan so‘ng ikkinchi fazogirni uchiradi
Shubhanshu Shukla.
Hindiston tarixidagi ikkinchi fazogir — Shubhanshu Shukla may oyida NASA bilan hamkorlikdagi Axiom-4 ekspeditsiyasi tarkibida Xalqaro kosmik stansiya (XKS)ga parvoz qiladi. Bu haqda Hindiston fazoviy tadqiqotlar departamenti rahbari Jitendra Singhga asoslanib The Times of India xabar berdi.
«Kapitan Shuklaning parvozi — shunchaki parvoz emas, balki Hindiston fazoviy tadqiqotlar yangi asriga dadil qadam tashlayotgani ramzidir», — dedi Jitendra Singh.
Hindiston harbiy-havo kuchlari kapitani 39 yoshli Shubhanshu Shukla Rossiya va AQShda tayyorgarlikdan o‘tdi, endi u fazoga ko‘tarilgan ikkinchi hindistonlik bo‘ladi. Ungacha 41 yil muqaddam Rakesh Sharma mamlakatning «birinchi raqamli» fazogiri degan sharafga muyassar bo‘lgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter