2019-yilning 20-dekabr kuni soat 5dan 20 daqiqa o‘tganda Farg‘ona viloyati O‘zbekiston tumani «Obod» MFY Bo‘ston ko‘chasida joylashgan 36-uyda yong‘in bo‘layotganligi haqida yong‘in-qutqaruv qismiga xabar kelib tushgan.

FVV YoXBB OAV bilan hamkorlik qilish bo‘linmasi xabar berishicha, voqea joyiga 2 ta yong‘in o‘chirish bo‘linmalari jalb etilgan. Bo‘linmalar chaqirilgan manzilga 10 daqiqada yetib borgan vaqtda yashash uyining ichki va tom qismi ochiq alanga bilan yonayotganligi ma’lum bo‘lgan.

Ko‘rilgan harakatlar natijasida yong‘in soat 05:33 da qurshab olingan va soat 06:00da to‘liq bartaraf etilgan.

Yong‘in oqibatida yashash uyining 45 kv.metr maydonda tomi, shifti va ichki jihozlari yonib zararlangan. Saqlab qolingan maydoni 100 kv.metr.

Achinarlisi, yong‘inni o‘chirish vaqtida uy bekasining nabirasi – 2003-y.t. fuqaro A.S.ning kuygan holdagi jasadi topilgan.

Yong‘inni taxminiy sababi qo‘lbola o‘tinli isitish pechini yoqib nazoratsiz qoldirilishi.

Yong‘in holati yuzasidan tergovga qadar tekshiruv ishlari olib borilmoqda.