Bunaqa jomadonga 300 dan ko‘p kompyuter «sig‘adi» (foto)
![Bunaqa jomadonga 300 dan ko‘p kompyuter «sig‘adi» (foto)](https://static.xabaruz.com/crop/2/1/920__95_2182290889.png)
Western Digital kompaniyasi ma’lumotlarni saqlash uchun noodatiy SSD-saqlagich chiqardi. Ultrastar Transporter sig‘imi — 368 terabayt, shakli esa g‘ildirakli jomadonni eslatadi. Solishtirish uchun: o‘rtamiyona kompyuterning xotira sig‘imi — 1 terabayt.
![](https://xabar.uz/static/uploads/71/lW3uDnZM-5tKJ9d6pVJGMtPveyGWDhFM.png)
Bu shunchaki oddiy SSD emas, shuningdek, NAS hamdir. Apparat bazasi — 12 yadroli Xeon 4310, 128 Gb operativ xotira (RDIMM) bilan kuchaytirilgan. Qurilma va uni olib yurish uchun keys (jamlanmaga qo‘shib beriladi) jami 15 kg og‘irlikka ega, deb yozdi NotebookCheck.
![](https://xabar.uz/static/uploads/71/r4ef9QC4reKHOFwlrucGFx4W-SsjBHRo.png)
Bunday ulkan xotira qurilmasi nafaqat geymerlar, balki suratga olish guruhlari, tadqiqotchilar, umuman, «tonnalab ma’lumotni o‘zi bilan olib yurishga majbur» sohalar vakillari uchun ayni mudda bo‘lishi mumkin.
![](https://xabar.uz/static/uploads/71/rloB6h6bcrmMn1Uv5O6ECr7lmVtZcoAO.png)
Qizig‘i, qurilmaning narxini sir tutishyapti. Faqat olaman degan xaridorlar bilan gaplashisharkan. Bozorga qachon chiqishi noma’lum.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter