Рақамли технологиялар ўқув марказининг сертификатлари топширилди
Президент Шавкат Мирзиёев белгилаб берилган 5 та муҳим ташаббуслардан учинчиси: аҳоли ва ёшлар ўртасида компютер технологиялари ва интернетдан самарали фойдаланишни ташкил этишга қаратилган.
Ушбу ташаббус доирасида Республикамиз ҳудудларида Рақамли технологиялар ўқув марказлари ташкил этилмоқда ва ўз фаолиятини юритиб келмоқда.
Муҳаммад ал-Хоразмий номидаги Тошкент ахборот технологиялари университети қошида ташкил этилган ушбу ўқув марказининг Пискент туманида жойлашган филиалида пискентлик ёшлар компютер саводхонлиги, робототехника, веб-дизайн асослари, электрон тижорат сингари бир қатор йўналишларда сабоқ оляптилар.
Куни кеча Пискент тумани ҳокимияти, Халқ таълими бошқармаси, «Ёшлар келажаги» жамғармаси, Халқ демократик партиясидан ташриф буюрган масъул ходимлар иштирокида, ўқув курсларини муваффақиятли тамомлаган бир гуруҳ ёшларга сертификатлар топширилди.
Маълумот учун: 9-30 ёш оралиғидаги тингловчилар учун машғулотлар бепул ўтилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter