Исроил Мадримов галдаги жангга Нью-Йорк кўчаларида тайёрланмоқда
Профессионал боксчи Исроил Мадримов 5 октябрь куни ўтказиладиган навбатдаги жанггига Нью-Йорк кўчаларида тайёрланмоқда.
Мадримов ўзининг профбоксдаги учинчи баҳсини мексикалик Алехандро Баррерага қарши ўтказади. Баррера шу пайтгача 34 бор рингга кўтарилган бўлиб, 29 жангда ғалаба қозонган ва 5 бор мағлубиятга учраган.
Бўлажак жанг машҳур «Мэдисон сквер гарден» аренасида ўтказилади. Унда марказий баҳс қозоғистонлик Геннадий Головкин ва украиналик Серегий Деревяненко ўртасида кечса, мутахассислар ҳамюртимиз иштирокидаги жангни аҳамияти жиҳатидан ундан кейинги поғонага қўйишмоқда.
Бўлажак тўқнашув Тошкент вақти билан тахминан тонгги соат 06:00дан кейин бошланади. Бокс ихлосмандлари Мадримов-Баррера ўртасидаги жангни «Спорт» телеканали орқали тўғридан-тўғри томоша қилишлари мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter