Трамп президент сайловларида уни енгишнинг ягона йўлини маълум қилди
АҚШ президенти Дональд Трамп 2020 йилги президент сайловларида уни енгишнинг фақат битта йўли борлигини айтиб ўтди.
Америка етакчиси унинг Демократлар партиясидан бўлган рақиби сайловларда уни фақат қалбакилаштириш ёрдамида енгиши мумкинлигини яшириб ўтирмади. Унинг таъкидлашича, демократлар сайлов натижаларини сохталаштиришга фаол уринишади. Шу мносабат билан, президентнинг фикрига кўра, Демократик партия овоз бериш вақтида шахсни тасдиқловчи ҳужжатни текширишни бекор қилишни таклиф этган.
«Бу нима учун қилинади? Бу қалбакилаштириш учун қилинади. Улар келгуси сайловларни ўғирлашга уриниб кўрмоқчи. Чунки бу улар ғалаба қозониши мумкин бўлган ягона йўлдир», — дея Дональд Трампнинг сўзларини келтирган «Life.ru» портали.
АҚШ президенти Демократик партияни «сўл радикализм» уринишларида, конгрессменлар Нэнси Пэлоси ва Чак Шумерларни эса коронавирусдан қийналаётган одамларнинг ёрдам олишига йўл қўймаётганликда айблади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter