Тошкент метросида шубҳали буюм сабаб поездлар ҳаракатида тўхтатилиш юз берди
Тошкент метросида кеча, 30 октябрь куни соат 16:50 да вагонлардан бирида шубҳали буюм аниқлангани сабабли «Буюк ипак йўли» бекатида поезднинг йўналишга чиқиши бекор қилинган. Поезд ҳаракати 3 дақиқадан кейин тикланган. Бу ҳақда пойтахт метроси маъмурияти хабар берди.
Шунингдек, шу куни соат 14:59 да Чилонзор йўналишининг «Мирзо Улуғбек» бекатида техник сабабларга кўра йўловчилар поезд вагонларидан бекатга чиқарилган.
Маълум қилинишича, ҳаракат таркиби ишламай қолган ва бунинг оқибатида поездлар ҳаракати 7—8 дақиқага тўхтаб қолган.
Тошкент метрополитени маъмурияти ўз хабарида вужудга келган ноқулайликлар учун йўловчилардан узр сўраган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter