Паралимпиячи Азизбек Абдулҳабибов автомашина билан тақдирланди
2019 йил 21-25 август кунлари Венгриянинг Сегед шаҳрида ўтказилган сув спортининг эшкак эшиш турлари бўйича жаҳон чемпионатида фарғоналик Азизбек Абдулҳабибов фахрли 4-ўринни эгаллаб, жорий йил Япониянинг Токио шаҳрида бўладиган XVI ёзги Паралимпия ўйинларига йўлланмани қўлга киритган эди.
Бугун Фарғона вилояти Фурқат тумани «Кўк дўппи» қишлоғида туғилиб ўсган Азизбек Абдулҳабибов Фарғона вилояти ҳокимлиги томонидан «Nexia-3» русумли автомашина билан тақдирланди.
Шу муносабат билан ташкил этилган тантанали тадбирда спортчи, унинг оила аъзолари ва яқинлари ҳамда вилоят спорт жамоатчилиги иштирок этди. Тадбирда сўзга чиққан Азизбек Абдулҳабибов кўрсатилаётган ғамхўрлик ва эътибор учун ҳукуматимизга миннатдорлик изҳор қилди ва Паралимпия ўйинларининг параканое йўналишида Ватанимиз байроғини юқори кўтариш учун астойдил ҳаракат қилишини билдирди.
Жисмоний тарбия ва спорт вазирлиги
Матбуот хизмати
Манба: minsport.uz
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter