Тошкентда аёл киши (П.П. 27 ёш) ИИБ ходимининг қонуний талабига бўйсунмай, аксинча, унинг погонини юлиб олишдан ташқари хизматда фойдаланадиган алоқа воситасининг антеннасини синдириб ташлагани ҳақида хабар берган эдик.

Ҳолат бўйича  Жиноят кодексининг 219-моддаси (ҳокимият вакилига ёки фуқаровий бурчини бажараётган шахсга қаршилик кўрсатиш) 2-қисми билан жиноят иши қўзғатилиб, тергов ҳакаратлари олиб борилаётганидан ҳам воқифсиз.

Куни кеча жиноят ишлари бўйича Яккасарой туман судида  айбланувчига нисбатан  қандай эҳтиёт чораси қўллаш масаласи муҳокама қилинди. Бу ҳақда «Xabar.uz»га Олий суд матбуот хизмати маълум қилди.

Суд Яккасарой туман прокуратурасининг аёлга нисбатан уй қамоғи тарзидаги эҳтиёт чорасини қўллаш тўғрисидаги илтимосномаси кўриб чиқиб, уни қаноатлантириш ҳақида ажрим чиқарди. Бунда айбланувчининг тергов ҳаракатларини холисона олиб борилишига тўсқинлик қилиб, гувоҳларни кўндиришга уриниши эҳтимоли, шунингдек, коронавирус инфекцияси тарқалишини олдини олиш учун жорий этилган карантин ҳолатини эътиборга олинди.

Тергов ҳаракатлари ниҳоясига етгач, жиноят иши суд томонидан мазмунан кўриб чиқилади.