Депутат карантин тугагунича маошини тўлиғича фондга ўтказишга қарор қилди
Олий Мажлис Қонунчилик палатаси депутати Одилжон Тожиев коронавирус пандемияси туфайли юртимизда эълон қилинган карантин муддати якунига етгунга қадар ойлик маошини тўлиғича «Ўзбекистон меҳр-шафқат ва саломатлик жамоат фонди»га ўтказишга қарор қилди. Бу ҳақда у ўз каналида маълум қилган.
«Карантин даврида давлат ва жамият томонидан қилинаётган машаққатли ишларни кўриб турибмиз. Парламент ҳам тўхтагани йўқ. Халқ манфаати йўлида тегишли қонун ва қарорларни қабул қилишда жонбозлик кўрсатмоқда.
Шунга қарамай, беморлар ва карантиндагилар сони кундан-кунга ошиб, вазият оғирлашиб бораётгани барчамиздан қилаётган ишларимизни яна бир бор сарҳисоб қилишга ундайди.
Мен ҳам юртимизда карантин даври расман тугагунга қадар ўз ойлик маошимни тўлиқлигича коронавирус касаллигини енгишда хайрли ишларга бош бўлаётган «Ўзбекистон меҳр-шафқат ва саломатлик жамоат фонди»га ўтказишга қарор қилдим.
Бирлашиб, биз — катта кучмиз! Бирмиз! Қалбан биргамиз!»
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter