«Барселона» рестартни йирик ғалаба билан нишонлади
Коронавирус пандемияси туфайли тўхтаб қолган Испания чемпионати қайта старт олиб, 28-тур доирасидаги айрим учрашувлар бўлиб ўтди. Пальма-де-Мальоркада «Мальорка» Каталониянинг «Барселона» клубини қабул қилди.
Биринчи дақиқадаёқ гол киритган каталонияликлар ўйин охиригача устунликни сақлаб, йирик ғалабага эришишди.
«Мальорка» — «Барселона» — 0:4
Голлар: Видал, Брайтвайт, Алба, Месси.
Голдан ташқари, иккита голли узатмани амалга оширган Лионел Месси «энг яхши ўйинчи» деб топилди.
«Барселона» 61 очко тўплаб, 2-ўриндаги «Реал Мадрид»дан 5 очко илгарилаб кетди. «Мальорка» 25 очкоси билан 18-ўринда.
Пандемия чемпионатлар тақвимига жиддий ўзгартиришлар олиб кирмоқда, энди турлар ўртасида танаффус бўлмайди — кам-кам ўйинлар ҳисобига ҳар куни футбол кўришингиз мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter