Хабарлар тезкор Телеграм каналимизда Обуна бўлиш ×

Шаҳноза Соатова

Ки ҳар не олами суғрода мавжуд, Бори бу олами куброда мавжуд. (Алишер Навоий)

Нима учун Ўзбекистонда ўзбек тилини ўрганиш қийин? (видео)

Нима учун Ўзбекистонда ўзбек тилини ўрганиш қийин? (видео)

«Мактабда ўзбек тилидан уч олардим, ҳеч қачон тўрт ё беш олмаганман. Чунки ўзбек тили ўқитувчимиз ўзбек бўлмаганлар учун тилни яхши тушунтира олмаган... Касбим врач, олдимга вилоятлардан кўп беморлар келишади, ўзбек тилини билмайдиган. Уларни тушуниш учун ўзим ўзбек тилини бир йилда ўргандим», деяпти Владислав Тен. У ҳозир ўзбек тилидан ташқари қозоқ, рус, корейс, инглиз тилларини билади (билишимча). У мамлакатда қолган рус ва бошқа миллат вакиллари шу ерда яшашни истагани учун қолишганини, тақдирларини шу юрт билан боғлашганини, аммо ўзбек тилини уларга ўргатиш учун турли қулай усуллар ишлаб чиқилмаганини айтяпти.

Владислав истак бўлса,тилни ўрганиш мумкинлигига тирик мисол. Қолаверса, у ўзбек тилини Ўзбекистонда ўрганиш нима учун қийинлигини ҳам билади.

Гапларида жон бор. Икки йил аввал дугонам Лидия Усачева ўзбек тилини ўргатадиган курслар топиб беришимни сўраганида, топиб беролмагандим. Фб га бу ҳақида эълон қўйганимда, эркаклардан «бошқача» таклифлар чиққани алоҳида мавзу.

Ўзбек тилини ўрганишга эҳтиёж йўқ, шунга ўрганишмайди деб кўп гапирамиз. Аммо эҳтиёжи борларга ўргатиш тизимимиз, услубимиз, дарсликларимиз борми? Ўзбек тилини мустақил ўргаташга мўлжалланган нечта дарслик, қўлланма, сўзлашгични санаб бера оламиз? Уларнинг ададини айта оламизми? Бу соҳага ресурслар, инвестиция кераклигини-чи?

Владислав, шу билан бирга, врачларга ҳурматимни ҳам оширди. Афсуски, у ҳозир Ўзбекистонда эмас...

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг