Eвропа Иттифоқи инвесторлар эмлашнинг «суст» суръати билан боғлиқ хавотирлари туфайли 50 — 100 миллиард еврогача йўқотиши мумкин, деб ёзади Bloomberg.

Агентлик маълумотига кўра, Европада коронавирусга қарши кураш кутилганидан анча суст форматда кетмоқда, бу ўз навбатида иқтисодий тикланишларнинг кечикишига олиб келади ва бизнес ишини сусайтиради.

Бундан ташқари, инвесторлар Европа Иттифоқида COVID-19 касаллигининг кўпайиб бораётганидан хавотирда, чунки бу уларнинг стратегиясини бузиши мумкин, деб қўшимча қилади Bloomberg, BlackRock Investmen ва Bank of America молиявий конгломератининг баёнотларига асосланиб.

Шунингдек, Eвропа фондлари капиталнинг ташқарига чиқиб кетишидан хавотирда.

«Европада вирусни енгмоқчи бўлса, вакцинани киритиш тезлигини тезлаштириши керак. Шу билан бирга, Бюрократия ва расмийлар ўзнинг қарама-қарши баёнотлари билан бунга тўсқинлик қилмоқда», — дея агентлик Principal Global Investors жамғармаси бош стратегисти Симу Шохнинг сўзларини келтиради.

Европа комиссияси, вакцинани ишлаб чиқиш босқичида, иттифоққа аъзо мамлакатлар учун тахминан 2,3 миллиард дозани ўз ичига олган битимни имзолаган эди.  Европа Иттифоқи аҳолиси эса тахминан 450 миллион кишини ташкил қилади.

Ҳозирги вақтда Европа Иттифоқи уч турдаги вакцинани сотиб олиш бўйича битимлар имзолаган, аммо ўз мажбуриятларини бажармаслик оқибатида етказиб бериш билан боғлиқ муаммолар юзага келмоқда.