Марказий банк 20 000 сўмлик ва 100 000 сўмлик купюраларнинг муомалага киритилиши бўйича расмий изоҳ берди
Охирги пайтларда 100 000 сўмликнинг муомалага киритилиши бўйича гап-сўзлар кўпайди.
Марказий банкка йўлланган «2018 йилда 20 000 талик ва 100 000 талик купюранинг муомалага киритилиши эҳтимоли қай даражада?» — деган саволимизга бу муассаса раисининг биринчи ўринбосари Тимур Ишметов қуйидагича жавоб берди:
— Қайд этиб ўтиш жоизки, «Ўзбекистон Республикасининг Марказий банки тўғрисида»ги қонуннинг 33-моддасига асосан Марказий банк банкнотлар ва тангаларнинг намуналарини, шунингдек, уларнинг дизайнини Олий Мажлис Сенатининг Кенгаши билан келишган ҳолда тасдиқлайди. Шу билан бирга, Марказий банк янги намуналардаги банкнот ва тангалар муомалага чиқарилиши тўғрисида ахборотни, шунингдек, уларнинг тавсифини оммавий ахборот воситаларида эълон қилади. Бу борадаги янгиликларни Марказий банкнинг www.cbu.uz сайтида ҳам кузатиб бориш мумкин.
Бугунги кунда 20 000 сўмлик ва 100 000 сўмлик купюраларнинг муомалага чиқарилиши режалаштирилмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter