Трамп журналист билан уришиб кетди ва матбуот анжуманини тўхтатиб қўйди
АҚШ президенти Доналд Трамп ва журналистлар ўртасида матбуот анжумани вақтида келишмовчилик келиб чиқди.
Президент ОАВ вакиллари билан мулоқот чоғида АҚШда коронавирусга қарши энг кўп тест ишлаб чиқарилаётгани ҳақида гапирган. Журналистлардан бири мамлакатда одамлар ўлаётган вақтда нима учун Трамп тестлар сони ҳақида гапираётгани ҳақида савол берган.
Президент бу саволни унга эмас, Хитойга бериш кераклигини айтиб ўтди. Шундан сўнг у саволни «жирканч» деб атади ва бу билан журналистнинг норозилигига сабабчи бўлди.
Шундан сўнг Доналд Трамп навбатдаги саволга жавоб беришдан бош тортди ва матбуот анжумани якунлангани ҳақида эълон қилинди.
Охирги маълумотларга қараганда АҚШда 1 344 512 киши коронавирусга чалинган. Бу борада мамлакат дунёда биринчи ўринда турибди. Америкада коронавирусдан 216 169 киши тузалиб кетган ва 80 мингдан ортиқ одам вафот этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter