Сурия президенти ва рафиқаси коронавирусга чалинди
Сурия президенти Башар ал-Aсад ва унинг рафиқаси Aсма коронавирусни юқтириб олди, дея хабар берди Сурия президенти девони.
«Улар COVID-19 белгиларига ўхшаш енгил аломатларни бошдан кечиргандан сўнг президент Башар Aсад ва Aсма хоним ПЗР тестини топширишган. Таҳлил натижаси уларнинг коронавирус билан зарарланганини кўрсатди», — дейилади баёнотда.
Таъкидланишича, Башар ал-Aсад ва рафиқасининг аҳволи яхши, барқарор ҳолатда.
Президент девонининг қўшимча қилишича, Сурия президенти ва унинг рафиқаси икки-уч ҳафта давом этадиган уй карантини даврида ўз вазифаларини давом эттиришади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter