Лавров Россия ва Хитойни дунёдаги барқарорлик ва хавфсизлик гарови деб атади
Россия ташқи ишлар вазири Сергей Лавров бугун, 23 апрель куни Хитойга борди ва Хитой ТИВ раҳбари Ван И билан учрашди. Бу ҳақда «ТАСС» хабар қилмоқда.
«Россия ва Хитойнинг халқаро ҳуқуқларга қатъий риоя қилиш борасида биргаликдаги саъй-ҳаракатлари дунёдаги барқарорлик ва хавфсизликни мустаҳкамлашда асосий аҳамиятга эга», — деди Лавров учрашув чоғида.
Вазирнинг айтишича, Хитой билан стратегик шерикчилик Россия ташқи сиёсатининг устувор йўналишларидан бири. «Бу йил ҳам алоқаларимиз қизғин кечишига умид қиламиз», — дея таъкидлаган Лавров.
Ўз навбатида Ван И Россия-Хитой муносабатлари мустаҳкамланишидан иккала давлат ҳам манфаатдор эканини эътироф этди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter