КХДР етакчиси Ким Чен Ин мамлакатдаги сўнгги йиллардаги вазиятни «тарихдаги энг қийини» деб таърифлади. У бу ҳақда касаба уюшмалари қурултойига йўллаган хабарида айтиб ўтган. Бу ҳақда Корея Марказий Телеграф Агентлиги (KCNA) хабар берган.

«Шимолий Корея ниҳоятда янги даврга қадам қўйди. Мамлакат тараққиёт, ўзгаришлар ва ўсиш суръатларига муҳтож»,— дейди лидер.

«Сўнгги йилларда, тарихдаги энг оғир вазиятга қарамай, мамлакатнинг қудрати ва мавқеи кескин ошди. Энди биз ҳар кимга фаровон яшашга имкон берадиган ҳаёт яратишга ҳаракат қилишимиз керак», — деб айтган у.

Айтиб ўтиш керакки, Ким Чен Ин камдан кам ҳоллардагина мамлакатдаги вазиятни оғир деб баҳолайди.

Европанинг махсус таҳлилчиларига кўра, бу баёнот шимоллик лидернинг «таслим» бўлганини ёки КХДРда чуқур иқтисодий инқироз яқинлашаётганини англатиши мумкин.

Аввалроқ, Шимолий Корея Ташқи ишлар вазирлиги ходими Европадан тиббий асбоб-ускуналар сотиб олишни таъминлай олмагани учун қатл этилгани хабар берилганди.