Илонлар Либерия президенти Жорж Веани ишлашга қўймади
Либерия президенти Жорж Веа (ҳа, бу ўша машҳур футболчи!) ташқи ишлар вазирлигидаги хонасига илонлар кириб қолгани учун уйида туриб ишлашга мажбур бўлди. «Associated Press» хабарига кўра, вазирлик биносининг биринчи қаватида иккита қора илонни топишган.
Айни пайтда илон тутувчилар ҳаммаёқни элакдан ўтказишмоқда. Илонлар қандай қилиб бинога кириб қолгани сабабини ҳам аниқлашмоқчи.
Жорж Веага 22 апрелда бемалол ишга чиқиши мумкинлигини ваъда қилишди.
Маълумот учун: Жорж Веа 1966 йилнинг 1 октябрида Монровия (Либерия)да туғилган. «Монако», Пари Сен-Жермен», «Милан», «Челси», «Манчестер Сити», «Марсель» каби Европа гранд жамоаларида тўп сурган.
1995 йили ФИФАнинг, Европанинг («Олтин тўп»), Африканинг йил ўйинчиси бўлган. Жаҳон чемпионатида қатнашмасдан «Олтин тўп»ли бўлган икки футболчидан бири.
Футболчилик фаолиятидан сўнг ўзини сиёсатга бағишлаган Жорж Веа 2018 йилнинг 22 январидан бери Либерия президенти ҳисобланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter