Илон Маск Путиннинг ядро уруши ҳақидаги гапларини изоҳлади
Дунёнинг энг бой одамларидан бири Илон Маск Россия президенти Владимир Путиннинг агар мамлакат мавжудлигига таҳдид туғилса, ядро қуролидан фойдаланишга тайёрлиги ҳақидаги сўзларига жавоб қайтарди.
Ижтимоий тармоқдаги янгиликларга Х тармоғида жавоб берган Маск, Путиннинг гапига «албатта» деб изоҳ берди.
Эслатиб ўтамиз, Путин «Россия 1» ва «РИА Новости» телеканалларига берган интервюсида Россия «ҳарбий-техник нуқтаи назардан» ядро қуролидан фойдаланишга тайёрлигини айтди.
Президентнинг сўзларига кўра, Россия Федерацияси ядро қуролидан фақат «давлатнинг мавжудлиги, суверенитет ва мустақилликка таҳдид бўлган вақтида фойдаланиш мумкин» деган тамойилга амал қилади.
Эслатиб ўтамиз, сўнгги вақтларда Россия раҳбарияти ядро қуролини қўллаш бўйича бот-бот баёнотлар бермоқда. Жумладан, Путин 29 февралдаги мурожаатида ҳам ядро қуроллари ҳақида гапирганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter