Ҳоким ўринбосари ва бош санитар-врач пневмониядан вафот этди — Олмаота
Қозоғистоннинг Олмаота вилояти ҳокими ўринбосари Серикжан Бескемпиров 60 ёшида вафот этди. Бу ҳақда «Zakon.kz» хабар берди.
Серикжан Бескемпиров кўп йиллар давомида қишлоқ хўжалиги ишлари бўйича масъул сифатида вилоятда соҳанинг ривожига ҳисса қўшиб келган.
Икки томонлама пневмония оқибатида Бескемпиров бугун оламдан ўтгани ҳақида вилоят ҳокимининг матбуот котиби «Facebook»да маълум қилди.
Эслатиб ўтамиз, Олмаота вилоятининг бош санитар-врачи Қайрат Баймухамбетов ҳам бугун вафот этган. Вилоят ҳокимлиги Баймухамбетовнинг ўлимига коронавирус эмас, пневмония сабабчи бўлганини маълум қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter