Беларус Олий суди в «Белгазпромбанк» бошқарувининг собиқ раҳбари Виктор Бабарикони 14 йиллик қамоқ жазосига ҳукм қилди, деб хабар беради БелТА.

Прокурор эса судланувчини 15 йилга озодликдан маҳрум қилишни сўраган.

Бабарико жиноий йўл билан топилган даромадни легаллаштиришда, жуда катта миқдордаги пора олишда айбланган. Бабарико депутатлар орасидан уюшган гуруҳ яратганликда ҳам гумон қилинган.

Виктор Бабарико 2000-2020 йилларда Белгазпромбанк бошқаруви раиси бўлган. Ўтган йилнинг май ойида у президентлик сайловларида қатнашишини эълон қилган ва июл ойида МСК Бабарикони номзод сифатида рўйхатдан ўтказишни рад этганди.

Бабарико қўйилган айбловларни тўла рад этган ва ҳукуматнинг бу ҳаракатларини мухолифатни юзага келмаслиги учун қилинмоқда деб ҳисоблашини таъкидлаган.

Маълумот ўрнида, Беларус президенти Александр Лукашенко шахсан бошқа давлат ҳудудига учаётган Ryanair самолётини Минскда қўндиришни буюрган ва самолётда мухолиф блогер Роман Протасевични ҳибсга олишларини буюрган эди.