2021 йилнинг асосий ранглари эълон қилинди
АҚШдаги Pantone ранглар институти (Pantone Color Institute) мутахассислари 2021 йилнинг асосий рангларини белгилашди: булар тўқ кулранг (17-5104 Ultimate Grey) ҳамда ёрқин сариқ (13-0647 Illuminating).
«Тошдек мустаҳкам ва чидамли ҳамда илиқ ва оптимистик ранглар жамланмаси (Ultimate Gray/Illuminating) куч ва позитивни ифодалайди», — дейилади институт изоҳида.
Pantone директори Леатрис Эйсманнинг таъкидлашича, ушбу ранглар биргаликда инсонга сабр-тоқат ва умид бағишлайди.
Эслатиб ўтамиз, институт 2020 йил учун хотиржамлик ва ишончни ифодаловчи классик кўк рангни танлаганди.
Маълумот учун: Pantone институти ранглар яратиш ва ранглар тадқиқоти билан шуғулланади. Уларнинг ишларидан бутун дунёдаги дизайнер ва рекламачилар фойдаланишади. 2000 йилдан бери инстиут ҳар йилнинг ўз рангини белгилаб келади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter