Xitoyda koronavirusdan himoya moslamalari yetishmasligi tufayli 6 shifokor vafot etdi
Xitoy rasmiylari koronavirusdan himoya moslamalari yetishmayotganidan xavotirda. Hukumat tomonidan shu vaqtga qadar virus bilan kasallangan va vafot etgan tibbiyot xodimlarining raqamlari keltirildi.
Kasallik avj olganidan beri olti shifokor vafot etgan va yana 1716 nafari koronavirus yuqtirgan. Xususan, hukumatni virus haqida erta ogohlantirishga uringan Doktor Li Venliang ham bir hafta oldin hayotdan ko‘p yumgan edi. Uning vafoti jamoatchilik g‘azabi va qayg‘usini keltirib chiqardi.
Bugunga qadar 1300 dan ortiq odam virusdan vafot etgani aytilayotgan edi. So‘nggi raqamlarga ko‘ra Xitoyda 122 ta yangi o‘lim qayd etilgan, bu esa umumiy hisobni 1,381 kishiga qadar yetkazadi.
Milliy sog‘liqni saqlash komissiyasining ma’lumotlariga ko‘ra, infeksiya yuqtirganlarning umumiy soni 63 922 nafarga yetdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter