Xitoy Tayvan tomon harbiy samolyot va kemalar yubordi
Tayvan mudofaa vazirligi Xitoy orol tomon o‘nlab samolyot va kemalarni yuborganini ma’lum qildi.
Mudofaa vazirligi bayonotida aytilishicha, 24 soat ichida Xitoy armiyasining 32 ta samolyoti va to‘qqizta dengiz floti kemasi aniqlangan, deb xabar berdi ABC News.
Ulardan 20 tasi Tayvan bo‘g‘ozining o‘rta chizig‘ini kesib o‘tgan yoki Tayvan havo mudofaasini aniqlash zonasini buzgan. Tayvan bunga javoban o‘z samolyotlari, kemalari va raketa tizimlariga ushbu harakatlarga javob berishni buyurdi, dedi harbiylar.
Xitoy o‘zini o‘zi boshqaradigan Tayvanni zarurat tug‘ilganda kuch bilan tortib olinishi mumkin bo‘lgan viloyat sifatida ko‘radi. O‘tgan yili Pekin Tayvanning siyosiy faolligiga javoban orol atrofida harbiy mashg‘ulotlarni kuchaytirdi.
Xitoy armiyasi o‘tgan haftada Tayvan atrofida mashg‘ulotlarni boshladi.
Avvalroq Tayvan vakili Xitoy borasida keskin bayonot bergandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter