Slovakiya bosh vaziri zavodda bir smena ishlab berdi
Robert Fitso.
Slovakiya bosh vaziri Robert Fitso 1-mayga oqshomida Krushovse qishlog‘ida joylashgan ZKW Slovakia zavodida bir smena ishlab berdi. Bu haqda TASR xabar berdi.
«Barcha mehnatkashlarga ta’zim qilaman», — dedi u smena tugaganidan so‘ng o‘tkazilgan matbuot anjumanida.
Aytilishicha, bosh vazir zavod chiqaradigan turli texnikalar uchun butlovchi qismlarni yig‘ishda bevosita qatnashgan.
Fitso Slovakiyadagi korxonalarda birinchi marta tungi smenada ishlayotgani yo‘q. Shu tariqa u ishlab chiqarishda tungi mehnat muhim ahamiyatga ega ekanligiga e’tiborni tortmoqchi. Uning fikricha, mamlakat hukumati tungi smenalarda ishlovchilarning maoshlarini oshirishi lozim.
1-may Slovakiyada Mehnatkashlar kuni sifatida bayram qilinadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter