Qibrayda Raqamli texnologiyalar o‘quv markazi faoliyat boshladi
Toshkent viloyati Qibray tumanida Raqamli texnologiyalar o‘quv markazi o‘z ish faoliyatini boshladi.
Markaz ochilish marosimida Axborot texnologiyalari va kommunikatsiyalarini rivojlantirish vazirligi Toshkent viloyati hududiy boshqarmasi, «O‘zbekiston pochtasi» AJ Toshkent filiali, Qibray tumani Xalq ta’limi bo‘limi, IT Park viloyat filiali, keng jamoat vakillari hamda tuman yoshlari ishtirok etishdi.
Mazkur markazda aholi va yoshlarning hamda davlat boshqaruv organlari xodimlarining axborot texnologiyalari yo‘nalishida bilim va ko‘nikmalarini oshirishlari uchun zarur bo‘lgan barcha shart-sharoitlar yaratilgan.
Kelgusida tuman yoshlari ushbu o‘quv markazlarida kompyuter savodxonligi, dasturlash, robototexnika, internetdan foydalanish hamda boshqa bir qator yo‘nalishlarda o‘z bilimlarini oshiradilar. Shuningdek, axborot-kommunikatsiya texnologiyalari sohasida innovatsion ishlanmalarni yaratish, startap loyihalarni ishlab chiqishga jalb qilish ham mo‘ljallangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter