Bugun Ozarbayjonda boks bo‘yicha «Great Silk Way-2024» turniri final janglari o‘tkazilmoqda. Unda ishtirok etayotgan O‘zbekiston terma jamoasining 11 nafar a’zosi 8 vazn toifasida hal qiluvchi bosqichga yetib kelgan.

Kun davomida 3 vazn toifasida «o‘zbekcha finallar» bo‘lishi kutilayotgandi. Biroq ularning ikkitasi o‘tkazilmaydigan bo‘ldi va muddatidan avval g‘oliblar aniqlandi.

-75 kgda Saidjamshid Jafarov — Javohir Ummataliyev o‘rtasidagi bahsda, Saidjamshid oltin medalga, Ummataliyev kumush medalga ega chiqishdi.

+92 kg vaznda esa Bahodir Jalolov turnirni oltin medal bilan, Jahongir Zokirov bo‘lsa kumush bilan yakunladilar.

Qolgan juftliklar bilan tanishing:

-51 kg: Asilbek Jalilov - Mahdi Parvizi (Eron)

-54 kg: Xo‘janazar Nortojiyev - Timur Kabdeshov (Qozog‘iston)

-57 kg: Xudoynazar Fayzov - Shamil Askerov (Ozarbayjon)

-63,5 kg: Abdulloh Madaminov - Tayfur Aliyev (Ozarbayjon)

-71 kg: Bekzod Hamidov - Darhan Duisebay (Qozog‘iston)

-80 kg: Rahmatilla Boymatov - Fazliddin Erkinboyev