O‘zbekistonliklarga boradigan SMS uchun budjetdan 1,7 mlrd so‘m ajratilyapti
Iqtisodiyot va moliya vazirligi qoshidagi Axborot texnologiyalari markazi tomonidan o‘tkazilgan «g‘olib tomonidan buyurtmachi ma’lumotlaridan foydalanib shakllantirilgan biznes ma’lumotlarni abonentlarga SMS-xabarlar ko‘rinishida yetkazish xizmatlari»ni ko‘rsatishga doir tender yakunlandi.
Joriy yil 6-aprel kuni yakunlangan tender natijalariga ko‘ra, ikki talabgordan biri – «Play mobile» MChJ g‘olib deb topilgan.
Shu tariqa mazkur firma vazirlikning 2023-yilda aholiga SMS-xabarnomalar yuborish xizmatini bajaradi. Bu uchun firma bitta SMS-xabarnomaga 40 so‘m narx ko‘rsatib, yil davomida 44 millonta SMS-xabarnoma jo‘natishni tashkillashtirish nazarda tutilgan lotni yutib oldi.
Vazirlik esa bu xizmatlar uchun firmaga budjetdan 1 mlrd 670 mln so‘m o‘tkazib beradi.
Tenderda ikkinchi ishtirokchi – «Orzu mobile» MChJ esa «ijtimoiy ahamiyatga ega loyihalarni amalga oshirish tajribasi» yetmagani bois yutqazgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter