«Ucell Mobile Challenge 2019» танлови ғолиблари биринчи уч ўринни ва соврин жамғармаси 600 миллион сўмни бўлишиб олишди.

Ўзбекистон Ёшлар Иттифоқи биносида «Ucell» ва IT-Park томонидан ташкиллаштирилган «Ucell Mobile Challenge 2019»  мобил иловалар ишлаб чиқиш танловининг ғолибларини тақдирлаш маросими бўлиб ўтди.

Танлов ғолиблари қуйидагилар бўлдилар:

• 1-ўрин – (300 млн. сўм) «Ucell Cashback System» – абонентлар билан алоқада бўлишга ёрдам берувчи тўлов иловаси функционалига эга кешбек-платформа;
• 2-ўрин – (200 млн. сўм) IZY – ижтимоий тармоқлардаги фаолликни монетизация қилиш имконига эга онлайн-агрегатор;
• 3-ўрин – (100 млн. сўм) Retail Research – бизнес-жараёнларни такомиллаштириш учун тезкор ва қулай жиҳоз.

Ғолиб жамоалардан ҳар бири билан шартномалар тузилади ва улар асосида лойиҳалар асосчилари 3 ой мобайнида ўз маҳсулотларини якунига етказиб, мазкур иловаларнинг ишга туширилишида ҳамда кейинчалик амалиётга жорий қилинишида иштирок этишлари лозим бўлади.