Талабага эслатма. Шартнома пулини тўлашнинг сўнгги муддати қачон?
Олий ва ўрта махсус таълим вазирлиги шартнома асосида таълим олаётган талабаларга контракт пулини тўлаш вақти ҳақида эслатма эълон қилди.
Унга кўра, 2019/2020 ўқув йилида олий таълим муассасалари бакалавриатига тўлов- контракт асосида талабаликка тавсия этилган ҳамда табақалаштирилган тўлов-контракт асосида ўқиш истагини билдирган абитуриентларга ўқув йилининг биринчи ярми учун тўлов ҳақини ўтказишнинг сўнгги муддати:
15 октябр – базавий тўлов-контракт асосида талабаликка тавсия этилган абитуриентлар учун;
1 ноябр – табақалаштирилган тўлов-контракт асосида ўқиш истагини билдирган абитуриентлар учун.
Мазкур муддат Ўзбекистон Республикаси таълим муассасаларига ўқишга қабул қилиш бўйича Давлат комиссиясининг 2019 йил 17 сентябрдаги 7-сонли баёни билан тасдиқланган.
Тўлов-контракт асосида таҳсил олаётган иккинчи ва ундан юқори курс талабалари учун ўқитиш ҳақини тўлашнинг белгиланган муддатларини узайтириш олий таълим муассасаси ректори (филиал директори) ваколатида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter