«Сити» икки жиддий йўқотиш билан Мадридга йўл олди
Бугун тунда Европа чемпионлар лигасининг чорак финали доирасида дастлабки ўйинлар бўлиб ўтади.
Мадриднинг «Реал» клуби ўз майдонида Англиянинг «Манчестер Сити» жамоасини қабул қилади.
Гвардиола жамоаси мазкур беллашувга икки жиддий йўқотиш билан бормоқда. Қанот ҳимоячилари — Кайл Уокер ҳамда Натан Аке мазкур беллашувни ўтказиб юборишади.
ЕЧЛда ўтган йилги тўқнашувда Винисиусни айнан Кайл Уокер тўхтатиб қолган эди. Энди Гвардиола мадридликларнинг бразилиялик етакчисини тўхтатишнинг бошқа чорасини топиши керак бўлади.
Куннинг иккинчи учрашувида «Арсенал» ўз майдонида Мюнхеннинг «Бавария» клубини қабул қилади. Сўнгги вақтларда ўйини чиқмаётган мюнхенликлар таркибига Нойер, Коман, Мазрауи ва Сане каби етакчилар қайтган.
Мазкур баҳслар бугун тунда 00:00да старт олади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter