«Формула-1» пит-стопида жаҳон рекорди ўрнатилди
«Red Bull» жамоаси механиклари «Формула-1»нинг Сильверстоун (Буюк Британия)даги Гран-присида пит-стопда энг кам туриш бўйича жаҳон рекордини янгилашди.
Ўн кишилик жамоа Пьер Гасли бошқарувидаги болиднинг ғилдиракларини атиги 1,91 сонияда алмаштириб берди.
Иккинчи ўринни ҳам «қизил буқа»лар қўлга киритди — Макс Ферстаппеннинг болидига атиги 1,96 сония вақт сарфланди.
Олдинги рекордни «Williams» жамоаси 2016 йили Боку Гран-присида амалга оширганди — 1,92 сония. Аммо механикларнинг ўзлари Фелипе Массага хизмат кўрсатишга 1,89 сония кетганини айтишган.
Дарвоқе, Буюк Британия Гран-присини мезбон — Льюис Ҳэмилтон ютиб олди. Механикларнинг тезкорлиги Пьер Гасли ва Макс Ферстаппенга унча асқотмади — тўртинчи ва бешинчи ўринлар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter