«mandat.uzbmb.uz» сайтидаги очиқ маълумотларга кўра, жорий йилда 888 минг 472 нафар абитуриент тестга кирган.

439 минг 337 нафар (49,4%) абитуриент ўтиш балининг энг қуйи чегараси бўлган 56,7 бални ҳам тўплай олмаган.

56,7 дан кўп балл тўплаган абитуриентлар сони 449 минг нафарни (50,6%) ташкил қилмоқда.

Маълумот ўрнида, 2022 йилда 51,2% фоиз, аниқроғи 550 минг абитуриент 56,7 балл ҳам тўплай олмаган эди. Жорий йилда бу кўрсаткич 49,4% га тушган.

2023 йилда энг ёмон кўрсаткич, Сирдарё вилоятида (54,9%), нисбатан яхшироқ натижа эса худди ўтган йилдагидек Тошкент шаҳрида (40,8%) қайд этилган (юқоридаги жадвалга қаранг).

8 та ҳудудда абитуриентларнинг 50 фоиздан кўпроғи 56,7 баллдан паст балл олган. Ўтган йили 9 та ҳудуд эди, жорий йил Наманган вилояти натижани яхшилаб, 50% дан пастга тушган.

Ўтган йилга қараганда натижасини энг кўп яхшилаган 5 та ҳудуд:

Тошкент шаҳри — 4,4%

Бухоро — 4,4%

Тошкент вилояти — 3,5%

Наманган — 3,3%

Фарғона — 2,4%

Сирдарё ва Андижон вилоятида эса натижа ўтган йилгига қараганда ёмонлашган.