Соғлиқни сақлаш тизими ишончни йўқотмоқда
Бугун, 25 декабрь куни Ўзбекистон Республикаси Бош прокуратурасида Коррупцияга қарши курашиш бўйича республика идоралараро комиссиясининг йиғилиши бўлиб ўтаётгани ҳақида хабар бергандик.
Йиғилишда маълум қилинишича, соғлиқни сақлаш тизимига жамоатчилик ишончи пасайиб боряпти.
2018 йилда «Ижтимоий фикр» жамоатчилик маркази ўтказган сўровда иштирок этганларнинг 34 фоизи соғлиқни сақлаш тизимида коррупция кенг тарқалган деган фикрни билдирган бўлса, 2019 йилда бу салбий кўрсаткич 43 фоизни ташкил этган!
Яна бир аянчли ҳолат — тиббиёт ходимларининг психотроп моддалар ноқонуний савдоси билан шуғулланаётгани ҳам йиғилишда тилга олиб ўтилди. Ўтган даврда 19 нафар ходим бундай ишга қўл урганлиги учун жиноий жавобгарликка тортилган, уларнинг 12 нафарини ҳамширалар, 7 нафарини шифокорлар ташкил этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter